Një moment i rëndësishëm tronditi atmosferën në shtëpinë e “Big Brother VIP 4”, kur Aldo vendosi të thyejë kutinë e tretë të emergjencës, duke sjellë tension mes banorëve.
Pasi theu kutinë, Aldo shpjegoi se veprimi i tij ishte i motivuar nga një dëshirë personale:
“Doja të sjell pak energji pozitive në këtë shtëpi, sepse situata po bëhej e papërballueshme për mua. Më falni të gjithë, por kam nevojë të takoj vajzën time. E ndjej se do sjellë një ndryshim për mirë,” u shpreh ai.
Përveç privilegjit për të ftuar vajzën e tij në shtëpi, brenda kutisë së emergjencës ndodhej edhe një zarf i zi, që i jepte Aldos fuqinë për të dërguar një prej banorëve në nominim të përhershëm. Pa hezituar, ai bëri zgjedhjen e tij: “Nuk kam dyshime. Personi që çoj në nominim të përhershëm është Gerta,” tha ai me vendosmëri.
