E kemi quajtur shpesh si kryeministri jashtë kornizave për shkak të stilit të veçantë në veshje dhe daljeve të tij publike larg kodit zyrtar. Kreu i qeverisë Edi Rama me detaje që herë marrin vëmendjen maksimale të medias dhe herë kalojnë në heshtje, ka treguar se pas kostumit të politikanit fshihet një njeri që dashuron artin dhe sportin.
Ai është tifoz i skuadrës italiane Juventus, fakt të cilin e përmend sa herë që i jepet mundësia apo kur luan skuadra e tij e zemrës. Kjo tifozeri kalon përtej të qenurit një ndjekës i rregullt i ndeshjeve të ekipit të tij të preferur, duke e personalizuar atë edhe në veshjet e tij.
Por nuk mbetet me kaq, Edi Rama preferon që xhupat e tij të mbartin edhe logo të ekipeve të tjera të futbollit që ai simpatizon. Gjatë takimeve që kryeministri ka kryer në zona të caktuara të vendit gjatë ditëve të ftohta të dimrit, në shumë raste është shfaqur me xhupa sportivë dhe të gjithë kanë një detaj të përbashkët, logon e Juventus, të kombëtares Italiane si dhe të ekipit të Lazios të cilën gjithashtu Rama duket se e simpatizon.
Sa xhupa ka kryeministri Rama me stampën e ekipeve të tij të preferuar? Ndoshta nuk jemi të saktë me shifra konkrete por më poshtë po sjellim foto nga të gjitha daljet publike të kryeministrit i veshur me xhupa në modele dhe ngjyra të ndryshme, me logot e skuadrave të tij të preferuara.\Revistawho.com
