Një tjetër martesë në horizont, ja detajet nga dasma e Katy Perry dhe Orlando Bloom

Këtë vit Katy Perry dhe Orlando Bloom vendosën ta kalonin në një tjetër stad marrëdhënien e tyre, duke e zyrtarizuar. Pak javë më parë Orlando i propozoi Katy-t dhe këtë gjë e ndanë dhe me fansat. Dyshja e njohur duken shumë të lumtur në krahët e njëri-tjetrit dhe shumë shpejt pritet të martohen. Pavarësisht se Katy dhe Orlando nuk kanë treguar asnjë detaj të ceremonisë mediat e huaja kanë zbuluar disa gjëra shumë të rëndësishme. Tabloidët thonë se ceremonia e tyre e martesës do të mbahet në “Kështjellën e Hirushes” që ndodhet në botën e “Disney”. Ndërsa nga ana tjetër “Us Weekly” ka arritur të zbulojë se ata te dy po mendojnë për një destinacion perfekt për dasmën e tyre, por ende nuk bëhet e ditur se cilin vend kanë zgjedhur. Katy Perry dhe Orlando Bloom kanë disa vite të lidhur me njëri-tjetrin dhe pavarësisht se marrëdhënia e tyre ka pasur probleme të shumta, ata ja kanë dalë ta ruajnë më së miri. /revistawho.com