Sikur të mos mjaftonte ndarja e çiftit Diane Kruger dhe Joshua Jackson, një tjetër çift ka vendosur t’i jap fund lidhjes së tyre 5 vjeçare. Bëhet fjalë për këngëtaren Lady Gaga dhe aktorin Taylor Kinney.
Sipas portalit TMZ, çifti do t’i kishte dhënë fund lidhjes së tyre që në fillmet e këtij muaji. Një lidhje kjo me 5 vjet romancë, përfshirë edhe një fejesë romantike në 14 shkurt të vitit të kaluar. Megjithatë ajo unazë e mrekullueshme në formë zemre, nuk duket më në gishtin e Gaga-s. Madje fakti se aktori e ka festuar ditëlindjen e tij në shoqërinë e miqëve dhe me mungesën e dukshme të Gaga-s, e ka konfirmuar më së miri ndarjen e tyre.
Por lajmi duket se i ka surprizuar të gjithë, pasi para disa muajsh thashethemet për një dasmë të fshehtë kishin bërë bujë, por këtë gjë ata kurrë nuk e konfirmuan edhe pse shenjat tregonin se e dëshironin një gjë të tillë.
Por, mesa duket kjo verë nuk qenka dhe aq e mirë për çiftet që në pamje të parë duken perfekt, kështu që shpresojmë që mos të ketë më ndarje të tjera kaq të trishta.
