Një tjetër vajzë arti deklaron se është lesbike

Pas deklaratës së vajzës së Johnny Depp, edhe vajza e këngëtarit Sting del hapur. 25- vjeçaria Eliot Sumner ka deklaruar se është lesbike dhe se është e lidhur me një femër prej dy vitesh. “Prej dy vitesh dua një vajzë, por nuk i besoj asnjë etikete specifike. E quaj veten “këngëtare” dhe mjaft”, tha e reja duke folur për “Evening Standard”. Eliot e cila në art njihet si “Coco” është lidere e grupit “I Blame Coco” dhe partnerja e saj është modelja austriake Lucie Von Alten. Dy të rejat jetojnë bashkë në Londër prej disa kohësh. Eliot thotë se familja dhe miqtë nuk e kishin pyetur pasi e dinin. “M’u desh shumë që të kuptoja kush isha. Askush nuk duhet të ndihet nën presion për atë që është. Jemi të gjithë qenie njerëzore dhe duhet të trajtohemi njëlloj”, deklaroi ajo.