Udhëtimi i radhës në ‘Who Likes Tirana’ ka bërë bashkë Era Rusin, Sarah Berishën, Ditea Berishën dhe Besmir Bitrakun drejt shpellës së Pëllumbasit në një guidë të udhëhequr nga ‘Zenith Travel’ nën drejtimin e Eraldo Rexhos.
Në këtë eksperincë ‘hiking’, udhëheqësi i guidës, ka sqaruar se relievi është relativisht i lehtë dhe se rruga që duhet përshkruar është 1.5 km, duke marrë një kohë prej jo më shumë se 30 minutash.
Përfshirë dhe shpellën e Pëllumbasit, në Europë ndodhen 6 të tilla gjithsej të cilat kanë vlera të veçanta arkeologjike, kulturore, historike apo turistike.
Shpella e Pëllumbasit ose ndryshe shpella e zezë ndodhet vetëm 25 km larg Tiranës dhe ofron një galeri shumë të bukur në brendësi të saj, në të cilën mund të ecje përreth 50-60m me kaska dhe elektrikët ndezur.
Pas këtij momenti Era, Sarah, Ditea dhe Besmiri kanë shijuar drekën me prodhimet vendase buzë lumit Erzen, në të cilin pak minuta më vonë ia kanë nisur këngës dhe janë larë duke shijuar temperaturat e larta të këtyre ditëve.
Ky episod është mbyllur mes muzikës në grup, të cilën e ka udhëhequr Era Rusi, duke i lënë të gjithëve shumë kuriozitet se çfarë do të sjellë udhëtimi i radhës në ‘Who Likes Tirana’./revistawho.com
