Blendi Fevziu në një intervistë së fundmi në “Wake up” ka folur për marrëdhënien që ka me dy vajzat e tij, Mishel dhe Alis.
Ai ka treguar se me vajzën e madhe ka udhëtuar më shumë dhe rrëfeu një moment kur Mishel i kishte kërkuar diçka të shtrenjtë, por që nuk ja bleu duke i treguar arsyen.
Me Mishelin kam udhëtuar më shumë, e kam marrë me vete shpeshherë në udhëtimet e mia. Kam menduar gjithmonë që udhëtimet do t’i jepnin avantazh në tavolinat e përditshme. Madje njëherë kur ishte e vogël, më kërkoi t’i bleja diçka që ishte e shtrenjtë dhe në gjykimin tim nuk vlente. Unë i quaj komplet shpëlarje truri markat dhe i thashë jo, nuk ta blej dhe po justifikohej që e kishin dhe shoqet. I thashë shiko kur të shkosh në shkollë do kuptosh që ti ke shpenzuar më tepër për të udhëtuar me mua dhe do të vlejë më shumë sesa shpenzimet për një bluzë. Vitin e dytë a të tretë të shkollës më tha: ‘Kishe të drejtë, në shumicën e tavolinave unë dal që kam udhëtuar më shumë. Ishte shumë e kënaqur dhe besoj që ja vlejti”, ka thënë ai.
