Nëse themi Marina në mendje na vjen dhe Luana, e nëse mendojmë për Luanën ashtu padashur na kujtohet dhe Marina. Dy motrat e famshme të ekranit ngjajnë kaq shumë më njëra-tjetrën, por nëse bëjmë një vëzhgim të hollësishëm në rrjetin social ‘Instagram’ do të kuptojmë që kanë mjaft diferenca. Le ti listojmë ato.
Së pari Luana është më aktive. Çdo ditë gjen postime të saj në rrjet. Nje selfie, një foto gjatë provave, duket se moderatorja gjen gjithmonë pak kohë për të qenë pranë ndjekësve. Në të kundërt Marina është pak më e tërhequr nga bota virtuale. Ajo poston më rrallë e përgjithësisht janë foto të menduara e të kuruara në detaje.
Së dyti Luana nuk ngurron të provokojë në rrjete sociale. Veshje të shkurtra e të ngushta që i nxjerrin në pah format perfekte apo foto me bikini nga pushimet i gjeni shpesh në profilin e saj. Ndërkohë Marina është më serioze në këtë drejtim. Edhe në fotot e rralla që poston me rroba banje, moderatorja përdor gjithmonë ‘stickers’ për t’u mos ekspozuar shumë.
Së treti ‘Instagrami’ i Luanës konsiston më shumë në reklamimin e punës së saj në emision, këngëve të reja, promovime të ndryshme etj. Marina, që ndërkohë është duke shijuar akoma pushimet, përgjithësisht preferon të postojë foto nga udhëtimet në vende të ndryshme. Midis tyre nuk mungojnë as fotot me bashkëshortin, Getin apo dhe me familjarët e saj.
Së katërti veshjet e Marinës janë pothuajse gjithmonë firma shumë të shtrenjta, ndërsa Luana nga ana tjetër promovon një stil më ekonomik e shpeshherë edhe stilistë shqiptarë. Marina dhe Luana po bëjnë tashmë vite në ekran dhe janë dy nga figurat më të preferuara.
