Një vit jo i mirë, këngëtaret shqiptare pa nominime në “Grammy Awards”

Ndryshe nga viti i kaluar, në këtë edicion të “Grammy Awards” nuk ka asnjë nominim për këngëtaret shqiptare me famë ndërkombëtare. Nominimet u shpallën dy ditë më parë dhe listën e kryeson Lizzo me tetë nominime, ndërsa Billie Eillish dhe Lil Nas X e ndoqën me gjashtë nominime secili. Të tre muzikantët janë nominuar për herë të parë për Grammy. Nërsa për Bebe Rexhën, Dua Lipën, Rita Orën dhe Ava Max nuk ka asnjë nominim. Në edicionin e vjetshëm ishin të nominuara Dua dhe Bebe. Bebe u nominua në dy kategori: “New Artist” dhe “Country duo/group performance” me këngën “Meant to Be” në bashkëpunim me Florida Georgia Line, por nuk arriti të rrëmbejë asnjë çmim. Ndërsa Dua u nominua në dy kategori: “Best Neë Artist” dhe “Best Dance Recording” për këngën “Electricity” në bashkëpunim me Silk City. Atë mbrëmje Lipa fitoi çmime ‘Grammy’ në të dy kategoritë.