Në 29 qershor të 2018-tës Afërdita Dreshaj dhe partneri i saj, Jakub Kindl kurorëzuan dashurinë e tyre me martesë. Sot ka kaluar plot një vit dhe dashuria e lumturia mund të kuptohet lehtësisht tek ta. Për të festuar këtë ditë të shënuar në jetën e tyre, çifti i njohur kanë udhëtuar drejt Chicagos dhe kjo erdhi si një surprizë e bukur për Afërditën. Mbrëmjen e djeshme ajo tregoi se Jakub kishte rezervuar një avion privat për të udhëtuar drejt një prej vendeve më të bukura të Amerikës. Për të kujtuar ditën e martesës së tyre në rrjete sociale, Afërdita dhe Jakub kanë publikuar disa nga momentet më të bukura nga dasma.
Të dy kanë postuar foto shumë romantike pranë njëri-tjetrit dhe janë betuar sërish për dashuri të përjetshme, njësoj si në ditën e martesës. “1 vit më parë dhe një jetë për të vazhduar përpara! Gjithmonë pranë teje. Gëzuar përvjetorin dashuria ime”, ka shkruar Afërdita në një postim në ‘Instagram’. Edhe Jakub i ka dedikuar bukuroshes shqiptare pothuajse të njëjtat fjalë, për t’i shprehur gjithë dashurinë e tij.
“Ekzaktësisht një vit më parë unë u martova me dashurinë time dhe miken time më të mirë. Gëzuar përvjetorin! Do të të dua përgjithmonë”, shkruan Kindl në postimin e tij. Kujtojmë se pak muaj më parë çifti i njohur blenë një shtëpi të re, që do të jetë foleza e tyre e dashurisë për vitet e ardhshme. /revistawho.com
