Gjyshja e aktorit të njohur të humorit, Bes Kallaku, Ija ka tërhequr gjithmonë vëmendjen e ndjekësve me sinqeritetin e treguar për jetën në fshat.
Së fundmi ka qenë Ervin Kurti i cili ka vendosur ta vizitojë në fshatin e Bubqit, duke sjellë për publikun disa momente nga jetesa atje.
Duke biseduar në gjelbërim, Ija ka treguar se ka pasur një bashkëjetesë të suksesshme prej 30-vitesh me nusen e saj dhe çelësi i kësaj marrëdhënieje ka qëndruar tek fakti se secili duhet të respektojë hapsirën e vetë. Kurti e ka pyetur dhe cilat janë ushqimet e preferuara të Xhensilës dhe Ija ka pohuar se të gjitha ushqimet e fshatit, veçanërisht djathin e bërë vetë këngëtarja i ka shumë qejf.
Si çdo herë tjetër nuk mungoi dhe humori nga Ija e cila pohoi se Ervini duhet të gjejë nuse tashmë dhe të marrë një vajzë nga fshati dhe të shkolluar./revistawho.com
