Lourdes Leon, vajza e këngëtares Madonna, tashmë po fillon të tregoj fuqinë e një ylli si modele. 19-vjeçarja është shfaqur përkrah të rinjve me ndikim për fushatën e re të dizajneres britanike, Stella McCartney, ndërsa në fotografitë e publikuara bukuroshja shfaqet pa makijazh duke treguar bukurinë e saj natyrale. “Ajo është një femër e pavarur, frymëzuese dhe me shpirt të lirë. Edhe pse ka lindur në qendër të vëmendjes, ajo ka qëndruar me këmbë në tokë”, ka shkruar Stella në një postim në ‘Instagram’ duke iu referuar vajzës së Mbretëreshës të muzikës pop.
