Sot në shtëpinë e Big Brother VIP ka hyrë një zarf i zi dedikuar Arditit. Iliri e lexoi me zë të lartë para gjithë banorëve dhe u kuptua se sjellja e Arditit ka hapur probleme.
“Ardit, më shumë se një herë brenda shtëpisë, ke thyer një nga rregullat kryesore duke e akuzuar padrejtësisht produksionin për manipulime, keqinterpretime, nxitje dhe parregullsi në lidhje me situata të ndryshme në shtëpi. Sipas pikës 6.4 të rregullores, ky është paralajmërimi i fundit, që t’i merr lidhur me akuzat ndaj punës së Big Brother. Nëse ndodh, qoftë edhe njëherë tjetër, do skualifikohesh nga loja. Pas kësaj, do ndërmerren veprime ligjore siç je vënë në dijeni në kontratën që ke firmosur”, shkruhej në mënyrë të përmbledhur në zarfin e zi.
Gjithashtu, me zarfin në fjalë u është tërhequr vëmendje edhe gjithë banorëve që tregojnë bisedat e bëra në dhomën e rrëfimeve./revistawho.com
