Karriera e Jennifer Lopez përfshin muzikën, filmin, televizionin dhe të gjitha këto të realizuara brenda 30 vitesh. Dhe nuk është çudi që 48-vjeçarja të cilësohet si një ndër 100 personat më me ndikim për vitin 2018 nga revista ‘Time’. Gjithsej u realizuan 6 kopertina, në të cilat përveç Jennifer Lopez ishin të përfshirë: Nicole Kidman, Roger Federer, Tarana Burke, Satya Nadella, dhe Tiffany Haddish.
Kopertina e JLo ishte një ndër realizimet më të bukura, sepse e veshur me një fustan të bardhë i jepte pamjen e vërtetë të një njeriu me influencë. Jennifer është cilësuar si një interpretuese ikonike dhe si aktorja e parë latine që ka fituar rreth 1 milion dollarë për një film. Ajo është gjithashtu një nënë shumë e kujdesshme, një aktiviste e denjë për shoqërinë, një dizenjatore, filantropiste dhe prodhuese. Në listën me 100 persona është i përfshirë edhe presidenti i SHBA-ve Donald Trump dhe disa figura të rëndësishme të politikës në Amerikë. /revistawho.com
