Pak kohë më parë u përfol se seriali i parë shqiptar “Njerëz dhe fate” do të rikthehet. Lajmi mesa duket është i vërtetë e këtë e ka konfirmuar aktori i mirënjohur Arben Derhemi, në emisionin “Dola te Ola”.
“Po mos ta merrja unë këtë hap nuk do të bëhej e mundur”, tha Arbeni, i cili ka patur personazhin e Florit te “Njerëz dhe Fate”. Pritet që seriali të jetë shumë i suksesshëm dhe se ngjarjet do të jenë edhe më të forta se në seritë e para. Ai gjithashtu zbuloi edhe kastin e aktorëve ku shumca prej tyre do të jenë ata që kanë qenë. “Robert Ndrenika, Alfred Trebicka, Eni Jani, Pavlina Mani e cila do të jetë sa në Amerikë aty ku ajo jeton, sa në Shqipëri, do ta ndërlidhim me jetën e saj atje”, tha ai.
Aktori zbuloi se si fillim do të ketë 15 seri. “Është një staf prej 45 vetësh, të cilët për rreth dy muaj e gjysmë do të spostohen në vende të ndryshme të Shqipërisë dhe Kosovës”, tha Derhemi.
