Paris Hilton iu kundërpërgjigj komentuesve që kanë tallur madhësinë e kokës së djalit të saj, duke i quajtur ata si ‘të sëmurë’ dhe duke deklaruar se foshnja e saj është ‘përsosmërisht e shëndetshme’.
Hilton u bë nënë në janar 2023, pas një lidhjeje katërvjeçare me Carter Reum dhe një fejesë dyvjeçare.
Miliarderja postoi foto me djalin Pheonix pak ditë më parë, por komentet flisnin vetëm për kokën e vogëlushit.
“Ka disa njerëz të sëmurë në këtë botë. Engjëlli im është krejtësisht i shëndetshëm”, tha Paris Hilton. “Dhe po, sigurisht që ai ka qenë te një mjek, ai thjesht ka një tru të madh”, shtoi ajo.
