Njerëzit me flokë të kuqe janë më të rrezikuar nga kanceri

Njerëzit të cilët mbartin një gen të “heshtur” të flokëve të kuq kanë një risk më të lartë për kancerin e lëkurës që lidhet me rrezet e diellit, paralajmërojnë ekspertët. Ekipi i Sanger Institute vlerësoi se 1 në 4 persona në Britani janë mbartës të këtij geni. Në termat e ndryshimeve të kancerit, efekti i genit është i ngjashëm me 2 dekada ekspozim në diell. E ndërsa njerëzit me 2 kopje të këtij geni do të kenë flokë të kuqe dhe lekurë të zbehtë dhe ndoshta e dinë se duhet të ruhen më tepër nga dielli, ata me vetëm një kopje të këtij geni nuk e kanë idenë se në çfarë rreziku janë.