Një zakon i njohur, si ngrënia e thonjve, shpesh kritikohet, por shkencëtarët sugjerojnë se ata që e praktikojnë këtë zakon mund të jenë më kreativë dhe më produktivë.
Studime të botuara në Journal of Behavior Therapy and Experimental Psychiatry tregojnë se ato që bëjnë veprime të përsëritura si ngrënia e thonjve, kruajtja e kokës ose pickimi i lëkurës, janë shpesh njerëz me nivel të lartë angazhimi dhe kërkese për të qenë gjithmonë në lëvizje apo duke u marrë me diçka.
Sipas profesorit Kieron O’Connor nga Universiteti i Montrealit, njerëzit me këto tendenca mund të jenë perfeksionistë dhe kanë vështirësi për t’u relaksuar, duke shkaktuar frustrim kur nuk arrijnë objektivat e tyre. “Këta individë shpesh ndihen të pakënaqur dhe mërziten më shumë se të tjerët,” tha ai.
Megjithatë, ky zakon ka edhe pasoja negative. Ngrënia e thonjve mund të shkaktojë probleme estetike dhe shëndetësore, përfshirë infeksione, dëmtim të dhëmbëve dhe deformim të thonjve. Edhe pse ky studim hedh dritë mbi mënyrën se si këto sjellje mund të lidhen me karakteristika pozitive ju lutem mundohuni të gjeni mënyra për ta zëvendêsuar këtë zakon me një më të shëndetshëm!
