Vajzat e familjes Kardashian-Jenner janë kthyer në një burim frymëzimi për të gjitha femrat në mbarë botën, madje edhe për personazhet e njohur. Shpeshherë kemi parë që edhe VIP-at shqiptarë të “vjedhin” diçka nga stili i tyre, për t’u dukur sa më bukur. Së fundmi kemi parë Zaimina Vasjarin që zgjodhi pak a shumë të njëjtën veshje si Khloe Kardashian për 1-vjetorin e vajzës së saj.
Por mesa duket Zaimina nuk është e vetmja që e ka pëlqyer shumë këtë stil, sepse edhe Luana ka bërë të njëjtën zgjedhje për koncertin e saj të fundit. Në fotografitë e publikuara, Luana shihet e veshur njësoj si Zaimina, me pjesën e fundit me fruda dhe bust me shkëlqim.
E vetmja gjë që ndryshon tek vajzat shqiptare është ngjyra, sepse Vasjari zgjodhi rozën, ndërsa Vjollca të bardhën. Fundi me fruda ka qenë shumë i pëlqyer që nga viti i kaluar, por me siguri ky stil i fundit i frymëzuar nga Khloe Kardashian do të përhapet gjithandej. /revistawho.com
