Njihuni me adoleshenten më me fat në botë (FOTO)

Ajo është cilësuar si 15-vjeçarja më me fat në botë, për shkak të ditëlindjes lukzoze që pati. Babai i saj, një avokat i njohur në Teksas, ka bërë shpenzime marramëndëse për ditëlindjen e vajzës së tij, Maya Henry, duke kapur shifrën e 6 milionë $. Për dy fustanet e Maya-s u kujdes stilisti Rolando Santana, me make up-in dhe flokët u mor ish- grimieri i Kim Kardashian, Patrick Ta dhe fotograf ishte ai i Michelle Obama-s. Në festën e saj ishin të ftuar dhe dy këngëtarët e njohur, Pitbull dhe Nick Jonas, të cilët u kujdesën ta ndiznin atmosferën për 600 të ftuarit që ndodheshin aty. Dekori gjithashtu ishte mbresëlënës, ku u përdorën 30 pemë qershie. Makinat tepër të shtrenjta që shoqëruan familjen dhe të ftuarit ranë po ashtu në sy dhe tërhoqën vëmendjen e të gjithëve. Në festë pati momente nga më të ndryshmet, por sigurisht ai që emocionoi ishte kërcimi i vajzës me babain, që tashmë është bërë traditë kudo. “Nëna e saj dhe unë donim t’i jepnim një dhuratë të paharrueshme. Jemi shumë të emocionuar për të ardhmen e saj”- është shprehur babai i Maya-s. Më herët, Maya ka patur takime me personazhe shumë të njohur të Hollywood-it si Justin Timberlake, Justin Bieber etj.