John Mayer dhe Demi Lovato përfliten të jenë çifti më i ri në industrinë e muzikës. Dyshimet për një romancë mes tyre nisën të qarkullonin pasi dyshja u fotografua duke flirtuar me njëri-tjetrin në Los Angeles. Sipas një dëshmitari okular, këngëtarët kanë mbërritur të ndarë nga njëri-tjetri por duket se në ambjentet e brendshme të restorantit situata është “nxehur”.
“John kishte hedhur krahun rreth qafës së Demi dhe ishte duke i folur fjalë të ëmbëla në vesh gjatë gjithë kohës”, ka thënë një burim për “Us Weekly”.
Kjo nuk është hera e parë që dyshja përflitet për një romancë. Kohë më parë kitaristi 39-vjeçar ka përdorur rrjetet sociale për të shprehur vlerësimet për Lovato-n, ku kjo e fundit i është përgjigjur duke e cilësuar vlerësimin e tij si komplimentin më të bukur të marrë ndonjëherë.
