Ajo e përmend thuajse çdo javë në “E diela shqiptare”, mirëpo deri më tani nuk kemi pasur mundësi ta shohim shpesh ne foto. Prej vitesh prezantuesja braziliane Andresa jeton në Shqipëri, dhe punon në krah të Ardit Gjebreas. Dhe prej fillimit ajo na është prezantuar si e dashuruar me Mirkon. Mirëpo duke mos parë shpesh foto të të dyve, nganjëherë kjo na tingëllonte edhe si përrallë e mistershme. E ja ku siç ndodh shpesh së fundmi, na erdhi në ndihmë rrjeti social “Facebook”, i cili na zbuloi një darkë intime me rastin e ditëlindjes së drejtuesit të “Geraldina Sposa”, Armand Peza (e kuptuam nga komentet). Në të njëjtën tryezë feste ndodhen edhe dy personazhe të tjerë të njohur, autori i disa programeve të suksesshme në “Top Channel” Rezart Aga, dhe gazetarja Iva Tiço. Por kësaj here protagonistët janë ata, çifti Andresa dhe Mirko. Foton e ka publikuar pikërisht i dashuri i prezanuteses bukuroshe braziliane, i cili vetë është italian. Në komente ai e thërret Andresën “gruaja ime” teksa shënon se ajo është shumë e bukur.
