Cardi B njoftoi të enjten se mirëpriti fëmijën e saj të tretë me ish-bashkëshortin Offset më 7 shtator.
“Gjëja më e bukur”, ka shkruar ajo në një postim me foto të saj në spital me vajzën e saj të porsalindur.
Cardi B shpërndau gjithashtu fotografi të reperit duke mbajtur foshnjën, ndërsa dy fëmijët e tjerë të tyre, Kulture, 6 vjeç dhe Wave, 3, ishin ulur aty pranë.
Artistja njoftoi për herë të parë shtatzëninë e saj më 1 gusht – vetëm një ditë pasi ajo bëri kërkesë për divorc nga Offset.
“Me çdo fund vjen një fillim i ri! Unë jam shumë mirënjohëse që kam ndarë këtë sezon me ty, ti më ke sjellë më shumë dashuri, më shumë jetë dhe mbi të gjitha ripërtërirë fuqinë time! Më kujtove se mund t’i kem të gjitha. Më ke kujtuar se kurrë nuk duhet të zgjedh mes jetës, dashurisë dhe pasionit tim! Të dua shumë dhe mezi pres që të dëshmosh atë që më ndihmove të realizoj, atë që më shtyve të bëj”, shkruante ajo.
