Kohët e fundit është vënë re një afrimitet mes Beatrix Ramosaj dhe Noizy-t. Beatrix ishte ndër të parat që mbështeti dhe reklamoi hitin më të ri të reperit, 100 kile. Por me sa duket këtë gjë nuk po e kapërdin dot Enca, e cila ka postuar disa foto rresht. Në një nga to ajo shkruan: “Fytyra që bëj kur dëgjoj se disa njerëz mendojnë se mund të më zëvendësojnë”, me siguri duke nënkuptuar afrimitetin e dy këngëtarëve. Tek foto e dytë ajo shfaqet duke qeshur në mënyrë tallëse. Ndërsa në foton e tretë shkruan: “Të paktën u përpoqe”. Kujtojmë se Enca dhe Beatrix kanë qenë shoqe të ngushta, por u përfshinë në një sherr virtual me njëra-tjetrën dhe nuk flasin prej dy vitesh.
