Noizy ka reaguar ditën e sotme mbi Alpha Show 3 përmes një videoje në “Instagram”.
Ai i është përgjigjur kritikave dhe atyre që e kanë quajtur “dështim” koncertin.
“Nuk ka si të jetë dështim një koncert ku u shitën më shumë se 22 mijë bileta.
Është e thjeshtë për ta vërtetuar se kompanisë mund ti merren shifrat ekzakte.
A ka pasur gabime Alpha Show 3? Po, sepse unë vendosa ta bëja skenën në mes të fushës, 360 gradë. Vetëm fusha nxe 5 mijë veta. Unë nuk e kisha bllokuar një anë të stadiumit. Kur ti merr një anë të fushës, autonatikisht dalin njerëzit para dhe ti bllokon me skenën 15% të fushës. Zonat VIP bëhen anash dhe ato cepat që keni parë bosh duhet të ishin zonat VIP.
Ju që keni qejf ta quani dështim, është totalisht e drejta juaj, por ata njerëz që ishin aty e dinë si ishte situata. Pati probleme se shiu atë mëngjes na shkatërroi ekranet. Nuk patëm mundësi t’i ndiznim. Ky ishte i vetmi gabim. Ju e dini që po të dua e bëj një Alpha Show tjetër në gusht. Keni qejf ta bëj një tjetër?”, ka thënë ai.
