Noizy flet për herë të parë tek Fevizu për sherrin: Ja çfarë ndodhi atë ditë

Blendi Fevziu ka mbajtur sonte një emision lidhur me sherrin Noizy- Cozman dhe modelin që përcjellin këto ngjarje e këta personazhe në shoqëri. Përveç opinioneve të të ftuarve, në studio foli edhe vetë Noizy përmes një lidhjeje direkte nga Milano. I pyetur nga Fevziu, ai tregoi se çfarë ndodhi atë ditë. Reperi po ashtu tha se i vinte zor prej situatës së krijuar e se ishte shumë i inatosur me gaztarët për lajmet e pavërteta që kanë publikuar e që janë të prirur drejt negativitetit. “S’e kuptova as vetë çfarë ndodhi. Por erdhi një makinë me shpejtësi që desh i shtypi çunat dhe jo të ishte Noizy po të ishte kushdo… Pasqyra e Range Roverit të hedh në tokë, dhe ashtu i ndodhi shokut tim. I kam parë ato njerëz qindra herë në Shqipëri po s’kam lejuar t’i prekë njeri se janë në vendin tim e nuk bën. Nuk është ndonjë gjë për t’u treguar. Gazetarët mos e bëjnë qimen tra, si për shembull plaga në kokë. Se nënat qajnë. Dikush lëndohet. Pse nuk bëni lajm që bëra 10 këngë për dy muaj. Ushqeni vetëm gjërat negative”, ka thënë Rigel Rajku. Më tej pyetjes së Fevziut nëse ai duke qenë personazh publik rrezikon të kthehet në model, reperii u përgjigj: “Po pse ngaqë jam i famshëm të duroj shpullat turinjve. Nuk linda i famshëm por u bëra me punë. Nuk i bëj një sy qorr e një vesh shurdh për sytë e botës. Në Shqipëri ke frikë t’i marrësh gazetat se ka vetëm negativitet. Mësova se vlej shumë për atë popull e çdo gjë që bëj do të bëhet bujë e madhe. Nuk e kuptova pse erdhën me armë e pse u bë ai sherr. Më erdhi shumë zor që u ndosha në atë situatë. Nëse do të ketë dikush fuqi të marrë videon nga hoteli, atëherë do të kuptoni se çfarë ndodhi realisht atë ditë. Nëse historia nuk është kështu siç them unë, unë nuk këndoj më”, e ka mbyllur Noizy deklaratën e tij.