Mbrëmja që lamë pas ka qenë mjaft e vështirë për banorët e Durrësit dhe Thumanës, të cilët u përballën me pasoja të shumta pas tërmetit të fuqishëm. Fatkeqësisht 28 persona janë gjetur të vdekur nën rrënoja dhe disa të tjerë rezultojnë të zhdukur. Ndërsa shumë qytetarë të tjerë kaluan natën jashtë në hapësirën e stadiumit “Niko Dovani”, pasi një pjesë e madhe e shtëpive të tyre nuk janë më të banueshme. Megjithse mbrëmja ka qenë e vështirë shumë persona u kanë ardhur në ndihmë banorëve me veshje dhe ushqime. Edhe Noizy ju është bashkuar të tjerëve për të ndihmuar të gjithë ata që kaluan natën jashtë. Reperi kërkoi një ndihmës kuzhinier për të gatuar për ata që ishin të pranishëm në stadium.
Noizy ka publikuar në ‘Instagram’ disa video në të cilat shihet se ka gatuar makaronat dhe e ka shpërndarë në pjata tek të gjithë banorët. Reperi tregoi se është i lumtur që të gjithë u bënë bashkë për të ndihmuar të prekurit nga tërmeti. “Edhe pse patëm fatkeqësi zemrat nuk i prishëm, madje mësuam se sa shumë e duam njëri-tjetrin. Nuk kam fjalë për gjestin e shqiptarëve të Kosovës dhe Maqedonisë, mund të kem parë vetë me sytë e mi mbi 50 kamiona me ndihma për vëllezërit dhe motrat e tyre që kishin nevojë si me ushqim, por edhe jorgan e batanije. Bravo! Kam qarë shumë jo nga frika, por nga gëzimi dhe jam mbushur plot me energji”, ka shkruar Noizy.
https://www.instagram.com/p/B5W_JAXJCHj/?igshid=1dmqc667el0cr
Reperi ju ka bërë thirrje të gjithëve që mos të përfitojnë nga ndihmat në të tilla momente, që gjithçka të shkojë aty ku duhet. Ndërkohë ditën e sotme kryeministri Edi Rama ka shpallur gjendjen e jashtëzakonshme në rajonin e Tiranës dhe Durrësit.
