Çdo këngë e tij shndërrohet menjëherë në hit dhe mund të themi pa frikë se Noizy është një ndër reperët më të suksesshëm në Shqipëri. Ai e ka nisur karrierën shumë vite më parë dhe vazhdon të punojë po njësoj për të dhënë më të mirën. Duke qenë se shumë fansa të tij kanë kërkuar që Noizy të punojë për një album, duket se ai do t’jua plotësojë dëshirën. Ditën e sotme këngëtari ka publikuar në ‘Instagram’ një fotografi, në të cilën shihet duke punuar në një studio muzikore.
Reperi ka thënë se këto kohë nuk do të jetë shumë aktiv në rrjete sociale duke qenë se po punon për albumin e tij. Ndryshe nga trendi i viteve të fundit që çdo album publikohet në platformat ‘online’, Noizy ka vendosur ta sjellë në CD. “Dua t’u them që po punoj për një album që të jetë CD. Në fakt ky do jetë albumi im i dytë në CD. Prandaj nuk do të jem shumë aktiv në rrjete sociale. Do më falënderoni më vonë gjithsesi”, – ka shkruar ai. Gjithashtu Noizy u ka kërkuar fansave të tij që të bëjnë së bashku një këngë gjatë kohës që ai punon në studio. Reperi numëron një sërë albumesh në karrierën e tij si këngëtar dhe ai më i fundit është ‘Zin City’, që e ka publikuar në vitin 2017. /revistawho.com
