Fillimet e karrierës së tij në Shqipëri mbahen mend me pjesëmarrjen në ‘Top Fest’ në vitin 2004. Që prej asaj kohë Noizy u bë shumë i njohur në rrethin e artistëve dhe filloi të pëlqehej nga një pjesë shumë e madhe e publikut. Në Shqipëri ndoshta po futej në frymë e re muzikore, por edhe talenti i Noizy-t bëri që ai të renditej ndër reperët më të suksesshëm në vend. Në vitin 2009 ai publikoi albumin e tij të parë dhe kështu Noizy arriti majat e suksesit.
Jo vetëm kaq, po ai është dhe një ndër këngëtarët më të paguar dhe normalisht që jeta luksoze e këngëtarit nuk mund të lihet pa u përmendur. E kemi parë me makina ‘Ferrari’, me tabaka të mbushura me tufa parash apo me veshje dhe orë të shtrenjta.
Megjithatë Noizy nuk harron se si e ka nisur të gjithë rrugën drejt suksesit. Ai ka publikuar në ‘Instagram’ disa fotografi të rreth 10 viteve më parë ku ka treguar me shaka se si dukej ‘para kredisë’. Krahasuar me një fotografinë e ditëve të sotme duhet thënë se Noizy ka arritur vërtet suksesin dhe jetën që e dëshirojnë shumë persona. /revistawho.com
