Pas paraqitjes së tyre surprizë në emisionin “Robi plaket kur don vet”, Nora Istrefi dhe Robert Berisha kanë konfirmuar rikthimin në bashkëpunim profesional. Dy artistët kanë theksuar se raporti i tyre sot bazohet në respekt dhe pjekuri, pavarësisht së shkuarës personale.
Performanca e tyre e përbashkët, e shoqëruar nga “Robi Band”, u prit shumë mirë nga publiku dhe u komentua gjerësisht në rrjetet sociale si një moment nostalgjik. Ky rikthim duket se ka hapur rrugën për një etapë të re, pasi tashmë është konfirmuar se Nora dhe Roberti do të performojnë bashkë më 2 janar, në kuadër të festave të fundvitit.
Ky bashkëpunim shënon një kapitull të ri për dy artistët, të fokusuar tashmë te muzika dhe argëtimi i publikut.
