Në gusht Robert Berisha konfirmoi ndarjen nga Nora Istrefi, diçka për të cilën ata ishin përfolur prej disa muajsh. Megjithatë ai tregoi se ata do të ruanin raporte miqësore së bashku për shkak edhe të vajzës së tyre, Renee. Në fakt duket se kjo është plotësisht e vërtetë, sepse ata vazhdojnë të shfaqen në shoqërinë e njëri-tjetrit edhe në publik. ‘Prive’ ka siguruar pamje të ndryshme në të cilat shihet se Nora dhe Era Istrefi, si dhe Dj Red janë përcjellur në aeroportin e Shkupit nga Roberti.
Nuk dihet se drejt çfarë destinacioni janë nisur motrat e njohura, por është e sigurt se Nora dhe Roberti ruajnë marrëdhënien e mirë njësoj si më parë. Në deklaratën, në të cilën pranoi ndarjen, Berisha u shpreh se mes tij dhe Istrefit mbaroi dashuria, por kjo nuk do të thotë se duhet të bëhen armiq të njëri-tjetrit. /revistawho.com
