Këngëtarja Nora Istrefi ka qenë e ftuar mbrëmjen e djeshme në emisionin ‘Xing me Ermalin’. Ndonëse është shumë e rezervuar për jetën private, ajo ka folur për herë të parë për konfliktin e bujshëm që ka pasur me Tunën. Nora u shpreh se mes tyre ka ndodhur thjesht një keqkuptim familjar dhe nuk ka pasur asnjë lloj problemi që qarkullon në media.
‘Shoqe të ngushta nuk kemi qenë asnjëherë dhe as armike nuk jemi. Mes meje dhe Tunës nuk ka ndodhur kurrë asgjë, ka ndodhur një keqkuptim familjar, siç e keni parë të gjithë. As unë, as Roberti nuk kemi pasur asnjë lloj problemi dhe urrej kur emri im përflitet në media për të përfituar klikime. E urrej atë pjesë sepse unë nuk kam karrierë të bazuar mbi skandale. Kështu që nuk dua të flas aspak për një skandal ku nuk jam e përfshirë unë personalisht. Tunën vazhdoj ta respektoj si kolege, aq më pak me albumin e fundit, por diçka personale nuk ka ndodhur kurrë’, tha Istrefi.
Kujtojmë që vajzat me njëra-tjetrën janë njëherazi edhe kunata, pasi bashkëshortët e tyre janë vëllezër. Kjo ka bërë që marrëdhënia mes dy këngëtareve të përflitet edhe më tepër në shtypin rozë./revistawho.com
