Zv/ministrja e Arsimit, Nora Malaj, ka qenë këtë pasdite e ftuar në studion e “Rudina” në Tv Klan ndryshe nga të gjitha herët e tjera kur i është dashur të flasë për arsimin dhe për reformat. Sot, ajo ishte e ftuar së bashku me mbesën, Solei. Prej 20 muajsh tashmë, Nora është një gjyshe e lumtur dhe po e gëzon këtë status siҫ nuk e kishte menduar.
E pyetur si është jeta e saj e re me statusin e gjyshes, Nora tregohet e sinqertë që nuk është si të gjitha gjyshet e tjera: “Unë jam një gjyshe e keqe…” – tha ajo duke iu referuar kohës që kalon me besën, e cila nuk është e mjaftueshme aq sa do të donte.
Pak ditë më parë, ndërsa në portale u shpërnda rrufeshëm një foto që vetë zv/ministrja postoi me të mbesën, statusi i Norës i habiti të gjithë. Megjithatë, ajo është shumë e lumtur dhe e kujton pothuaj me të gjitha detajet ditën që në jetë i erdhi mbesa: “Në mometin e parë kur ka ardhur në jetë Solej ishte 13 shtator, ditë e diel e bukur dhe me shumë diell. Jam emocionuar pa fund, aq sa kam përkujtuar momentin kur kam lindur vetë… “ – tregon Nora.
Edhe emri i veҫantë i vogëlushes ka një histori interesante. Zgjedhja ka qenë e prindërve të saj, Dritanit dhe Stelës: “Ne ia vumë emrin Dritan për të treguar se është drita jonë, ndërsa Stela, yll, është gjithashtu një emër me kuptim. Meqenëse të dy përfaqësonin Dritën Dhe Yllin, duhej diҫka mes tyre, Dielli, që në frengjisht është Solei.
Mes shumë statuseve që gëzoan aktualisht, zv/ministrja e Arsimit, atë të gjyshes e ka, pa dyshim, më të dashurin, sepse që kur në jetë erdhi Solei, jeta mori një kuptim tjetër: “Pas ardhjes së saj, jeta mori një kuptim tjetër, pasi fëmijët kanë shumë nevojë për dashuri, përkujdesje dhe vëmendje…”
Dhe këtë, me gjithë sa mundet, edhe nëna Nora po përpiqet ta arrijë. /Class
