Para ardhjes në jetë të Tian, Tuna organizoi një “baby shower” me të gjitha mikeshat e saj, por vëmendje mori mos prezenca e Norës në festë. U aludua se Nora dhe Tuna nuk flisnin derisa Nora e uroi Tunën për lindjen e djalit. Por arsyen e vërtetë pse Nora mungoi në “baby shower” e ka treguar Roberti. I ftuar në Prive Roberti tregon se arsyeja e vërtetë ka qenë sepse Nora duhej të ndodhej në një koncert. “Ka qenë ditë e shtunë festa e baby shower-it. Tunës i është dashur ta bëjë të shtunën se shumicën e shoqërisë e familjarët të shtunën janë më të lirë. Nora ka qenë në koncert dhe nuk ka pasur mundësi të marrë pjesë. Janë takuar më herët te ditëlindja e kunatës tjetër, nusja e vëllait të madh, të premten dhe Nora i ka thënë: “Në baby shower nuk mund të vij se nesër udhëtoj. Tuna i kupton më shumë këto gjëra se Tuna vetë është në këtë profesion”, -tha Roberti. Madje ai mohoi që dy këngëtaret të kenë mosmarrëveshje. “Raportet janë shumë të mira dhe para se Tuna të jetë me Patrisin raportet kanë qenë si me çdo kolege. Nora nuk është prej atyre që ka pasur ndonjë problem ose ndonjë mosmarrëveshje me ndonjë kolege. Nora është natyrë më e butë kështu që nuk ka asgjë të vërtetë”, -tha ai./revistawho.com
