Prej disa kohësh gazetarja Sonila Meço ka vendosur të shkeputet nga ekrani, në të cilin vite më parë ka qenë shumë aktive. Në një periudhë të caktuar Sonila ishte pjesë e disa emisioneve televizive në të njëjtën kohë, si dhe spikere në edicionet kryesore të lajmeve.
Pas kësaj shkëputjeje të gjatë nga ekrani, në mënyrë të drejtëpërdrejtë ose jo, Sonila tregon herë pas here nuanca nostalgjie për profesionin e saj. Meço duket se ka vendosur që rrjetet sociale dhe profilin e saj personal në “Instagram” ta përdorë si një dritare ku mund të shpreh opinionin e vet për çështje të caktuara, larg rregullit të të qenurit objektiv siç gazetaria e kërkon, por shumë pranë informacionit.
Herë pas here gazetarja publikon foto të vetat shkëputur nga programet e saj televizive, të cilat shprehin nota nostalgjie, por në të njëjtën kohë janë dëshmi e përvojës që legjitimojnë çdo fjalë të shkruar poshtë tyre.
Duket se Sonila i është përkushtuar totalisht familjes së saj, edhe pse dashuria për ekranin dhe kameran e shoqërojnë atë gjithmonë, duke shpresuar se një ditë do e shohim sërish me mikrofonin dhe kamerën e ndezur në përcjellje të informacionit.\revistawho.com
