Një ortek e mori me vete teksa skionte me të fejurën e tij, por nuk arriti ta shpëtonte dot vajzën. Kështu vendosi të vetëvritej. Një histori pasioni dhe dashurie për malin që përfundoi në tragjedi për Hayden Kennedy 27 vjeç, alpinist me famë botërore, dhe të fejuarën e tij Inge Perkins 23 vjeçe. Çifti ndodheshin në Montana ku gjatë zbritjes me shumë mundësi kanë shkaktuar një ortek që mori me vete sidomos vajzën.
I dëshpëruar, alpinisti gërrmoi deri në sfilitje por në fund u bind se nuk do të arrinte dot kurrë ta gjente gruan e tij të zemrës. Ndaj ai zbriti në livadh dhe u vetëvra duke lënë një shënim me të dhëna për të gjetur zonën e tragjedisë. Ndihma e shpejtë ishte duke ardhur pasi vetë ai i kishte telefonuar. Pas disa orësh u arrit të gjendej trupi i vajzës. Ngjarja e rëndë ndodhi në “Imp Peak” mbi 3 mijë metra lartësi. Dyshja ishin ekspertë të malit. Humbja e çiftit tronditi botën e alpinizmit. Prej vitesh angazhimi i tyre pëlqehej dhe vlerësohej, shkruan “Daily Mail”. Kennedy konsiderohej si më i miri i gjeneratës së tij, duke u vlerësuar me disa çmime./ revistawho.com
