Personazhet e njohur përdoren nga kompanitë si imazh ose si një mënyrë e mirë reklamimi e produkteve të tyre. Gjithçka bëhet kundrejt një pagese, që në përgjithësi janë pagesa të majme, por shpesh personazhet e njohur nuk kanë preferuar t’i bëjnë publike. Ka një sërë rastesh kur VIP-at kanë reklamuar produkte në rrjete sociale dhe ndjekësit e tyre nuk e kanë ditur se për këtë gjë janë të paguar. Për këtë arsye “Autoriteti i konkurrencës dhe tregjeve” ka nisur një investigim për këta personazhe, tek të cilët bën pjesë edhe Rita Ora, Ellie Goulding, Rosie Huntington-Whiteley, Alexa Chung etj.
Të gjithë ata që janë identifikuar gjatë investigimit kanë pranuar se do të ndryshojnë dhe do të fillojnë të deklarojnë çdo pagesë kur bëjnë reklamë të një produkti. Askush prej tyre nuk ka shkuar në gjykatë, por në rast të thyerjes së këtij rregulli do të gjobiten ose mund të vuajnë dënimin në burg për dy vite. Personazhet e njohur kanë një influencë shumë të madhe në rrjete sociale, sepse vetëm për shkak të një reklame të tyre kompanitë e firmave të ndryshme kanë fitime marramendëse. /revistawho.com
