Pas një periudhe të gjatë festash, ushqimesh të shijshme dhe orësh të gjata duke ngrënë, tani po përballesh me atë moment tejet të trishtuar: ku shkon gjithë ai ushqim që ke ngrënë dhe si do ta rifitosh formën e mëparshme?
Ja disa këshilla të thjeshta për të kaluar peridhën pas festave pa u mërzitur shumë:
1 – Antidota ANTI-inflamatore!
Pas gjithë atij ushqimi të pasur dhe të tepruar, trupi ka nevojë për diçka që do ta ndihmojë të qetësohet dhe të ulë inflamacionin. Ushqime të pasura me omega-3, si peshku (sidomos salmoni dhe sardelet), janë fantastike për këtë. Gjithashtu, xhenxhefili dhe kurkuma janë dy heronj të vërtetë që mund të ndihmojnë në reduktimin e inflamacionit dhe përmirësimin e tretjes. Një çaj me xhenxhefil dhe limon pas darke mund të bëjë mrekulli për trupin tuaj, ndërsa një gotë me ujë dhe limon do t’ju ndihmojë të rrisni energjinë dhe të largoni çdo shenjë të fryrjes.
2 – Supa, supa, supa!
Nuk ka mënyrë më të mirë për të rifituar një ekuilibër pas një festimi të tepruar sesa një supë e ngrohtë. Një supë me perime freskëta që do të ndihmojë të detoxifikosh trupin. Gjithashtu, nuk do të të bëjë të ndihesh si top!
3 – Sallatë, por jo vetëm gjethe
Një sallatë e thjeshtë, por me përbërës të shijshëm, si domate, kastravec, dhe pak avokado, është një zgjedhje fantastike. Mund ta pasuroni me proteina si peshk ose gjoks pule dhe një salcë dressing sipas dëshirës por ja cili është sekreti: mos e bëj sallatën të gjithën me gjethe, sepse do të të duket sikur po ha bar. Duhet pak balancë!
4 – Fruta për detox
Pasi ke ngrënë kaq shumë, trupi yt ka nevojë për vitamina. Merr një frut të freskët, si portokall, apo një mollë, dhe mundohu të mendosh që është më mirë se një copë bakllavaje. Bëhu pak kreative dhe bëj një kombinim perfekt për një lëng ose smoothie! Shegë, portokall, karrotë? Fantastike!
5. Ushqime të lehta, por të shijshme
Nëse mund të shkosh drejt një dreke të thjeshtë si një sanduiç me avokado dhe gjoks pule, do të ndihesh më energjik dhe do të shmangësh ndjesinë e rëndesës që lë pas çdo ushqim i tepruar. Një trend i ri i njohur si “Buddha Bowls” ose “Balance Bowls” është fantastik. Ke kombinime të pafundme që mund t’i gjesh online për të krijuar receta perfekte që mbi të gjitha kanë super shije!
6 – Këtë me siguri nuk e dije: Hiq dorë nga Fast-food-i!!!
Po, e dimë që është e vështirë, por jemi me ju!
7 – Nuk ka si uji!
Në mes të gjithë këtyre ndryshimeve mos harroni ujin. Po, është i mërzitshëm dhe i zakonshëm, por është po aq i nevojshëm. Disa gota ujë do të ndihmojnë trupin të rikthehet në formë dhe të eliminojë çdo mbetje të padëshiruar pas festës. Dhe sigurisht, do t’ju ndihmojë të ndiheni më mirë dhe të keni energji për të kaluar ditët pas festave.
