Ish-banorja e “Big Brother VIP”, Livia Brunga, ka reaguar për herë të parë pas daljes nga shtëpia, duke shprehur mirënjohjen për mbështetjen e madhe dhe duke iu përgjigjur pyetjeve më të shpeshta të ndjekësve.
Një nga temat kryesore që ajo trajtoi ishte marrëdhënia me Eglin, duke pohuar se është në kontakt me të. Megjithatë, ajo nuk ka preferuar të japë më shumë detaje, duke thënë se nuk dëshiron të “shesë informacione” duke ja lënë në dorë të Eglit vendimin për të folur publikisht.
Po, jam në kontakt me Eglin por nuk kam dëshirë të “shes” informacione deri kur Egli vetë të vendosë të dalë dhe të flasë. Mund të shpreh vetëm që Eglin e kam zemër, çdo gjë që kemi ndarë aty brenda ishte reale, çdo gjë vazhdon siç ka fillu, dhe ja dua aq shumë atë buzëqeshjen,” shkruan ajo.
Sa i përket jetës personale, Livia është treguar e rezervuar, duke theksuar se ndihet e lumtur dhe kjo është e mjaftueshme. Gjithashtu, ajo ka ndarë mallin për ish-banorët Rozana dhe Laerti, me të cilët ka krijuar një lidhje të veçantë gjatë reality show-t.
