Shakira e zbuloi tradhtinë e Pique-s falë kavanozit të reçelit.
Një nga ngjarjet që i mbajti fansat pezull gjatë verës ishte sigurisht ndarja e Shakirës dhe Pique.
Këngëtarja dhe futbollisti, pas disa vitesh lidhje dhe dy fëmijë, kanë vendosur t’i japin fund martesës së tyre për shkak të tradhëtisë së tij me Clara Chia Marti.
Kohët e fundit mediat spanjolle kanë raportuar lajmin, sipas të cilit Shakira do të kishte zbuluar gjithçka që Pique ia mbante të fshehtë falë reçelit të saj të preferuar. Në fakt, këngëtarja mban gjithmonë disa kavanoza në shtëpi dhe e di që janë vetëm për të pasi Pique-s nuk i pëlqen reçeli.
Megjithatë, ajo zbuloi se sa herë që dilte dhe kur më pas kthehej në shtëpi, sasia e produktit ishte ulur. Sipas emisionit televiziv “sociality” nga kanali spanjoll Telecinco, mëngjesi i preferuar i Clara Martinit do të ishte thjesht një tost me reçel.
