Baris Arduç njihet në Shqipëri me emrin “Omer” nga seriali “Dashuri me qira”, por edhe pse tani është shumë i famshëm dikur ai nuk ishte aktor. Baris punonte si roje bregdetare për tetë vite në Sile, një qytet i Stambollit. Aktori ka shpëtuar mbi 1000 persona shkruan tring. Madje ai rrëfen një çast që nuk mund ta harrojë: “Ishte një grua me nipin e saj, të cilët nuk munda t’i arrija dot, u mbytën. U bëra shumë keq, më dilnin edhe në ëndërr, megjithatë, pas dy vjetësh e kalova.” Ai ka marrë mësime aktrimi nga mjeshtër të teatrit dhe më pas ka marrë leksione në teatrin “Sadri Alishik”. Hapin e parë si aktor profesionist e ka hedhur në vitin 2011, me dy telenovelat “Zonjusha e vogël” (Küçük Hanımefendi) dhe “Më dëgjo, i dashur” (Dinle Sevgili). Më pas, ka luajtur edhe në telenovela të tjera.
