Rudina Magjistari është treguar gjithnjë diskrete tek jeta personale duke e ruajtur hermetike pjesën e saj më të shtrenjtë. Por së fundmi në një intervistë për “Prive” ajo ka bërë një rrëfim të rrallë duke folur për marrëdhënien 10 vjeçare me bashkëshortin, Xhavit Bajrami. Moderatorja nuk i ka kursyer fjalët e ëmbla, duke u shprehur se bashkëshorti është një njeri i mrekullueshëm.
“Kemi gjetur një mënyrë se si koordinohemi edhe nuk dua të përsëris atë që flasin me superlativa për bashkëshortët, por ai i imi i meriton fjalët. Është vërtet i mrekullueshëm dhe kombinojmë dhe plotësojmë njëri-tjetrin. Kombinojmë oraret, nëse vajza ime qëndron në shkollë, është orari kur ajo shkon në kurse unë jam në program. Kështu që i kemi të ndara ditët, herë unë herë ai. Në mbrëmje jemi në shtëpi, nuk jam njeri i natës dhe ftesa të kësaj natyre i refuzoj sepse dua të jem pranë familjes”, tha Rudina.
