Amber Candy, një nga personazhet më të komentuara të “Big Brother VIP 4”, ka habitur ndjekësit me deklaratat e saj të fundit në intervistën për “Live from Tirana”, ku foli për jetën pas reality show-t, për raportet me ish-banorët dhe për planet në lidhje me të ardhmen personale dhe familjare.
Edhe pse nuk e përjashton idenë e një bashkëjetese, Amber është mjaft e qartë kur vjen puna te fëmijët: “Absolutisht nuk mund të rri dot pa një familje, pa një bashkëjetesë, por fëmija është një përgjegjësi e madhe, nuk mendoj të adoptoj… Më duket shumë e vështirë.”
Sipas saj, vendimi për të sjellë në jetë një fëmijë nuk duhet marrë lehtë apo për të plotësuar boshllëqe personale:
“Ai fëmijë duhet të rritet normalisht, me nënë e me baba, natyral. Nuk duhet të deliroj në këtë jetë. Në këtë jetë ne nuk do të thotë që t’i bëjmë të gjitha dhe të marrim përsipër gjëra që mund të mos i bëjmë dot dhe që të rrezikojmë për një të tretë, për jetën e një të treti.”
Kur u pyet nëse kjo vjen si pasojë e presioneve kulturore apo të mentalitetit shqiptar, Amber mohoi menjëherë:
“Jo, sepse nëse unë do të ecja me mentalitetin shqiptar, nuk do të isha kjo që jam.”
Sidoqoftë, ajo theksoi se për një fëmijë është thelbësore të ketë një strukturë familjare të qëndrueshme: “Ai fëmija, duhet të rritet me një nënë e baba natyral dhe duhet të ketë një jetë të lumtur e të mos ketë trauma.”
Me fjalët e saj të sinqerta dhe shpeshherë tronditëse, Amber i rikujton publikut se jo të gjithë ndihen të gatshën të ndjekin rrugën tradicionale të krijimit të një familjeje — dhe kjo është në rregull.
