Prezantuesja e njohur, Arbana Osmani tashmë ka konfirmuar lajmin se ajo është shtatzënë. Ndërkohë të gjithë e kemi parë se sa shumë i pëlqen asaj të gatuajë. Thuajse çdo ditë e kemi nga një video me një recetë të re nga moderatorja. Mirëpo, ditën e sotme pas videove të publikuara teksa ajo gatuante drekën, një fans i ka replikuar duke i shkruar :”Arbana mishin e lepurit nuk duhet ta hash ti shtatzënë se kur të lindi fëmija fle me syhapur. Kështu e kemi ne nga veriu”.
Me këtë replikë Arbana ka thënë se ka një sqarim për të gjithë miqtë dhe dashamirësit e saj sidomos në këtë periudhë. “Duke ju falenderuar të gjithëve për këshillat dashamirëse dhe përkujdesjen, më duhet t’ju them se jo çdo gjë që gatuaj unë e konsumoj unë. Shpeshherë sidomos tani gatuaj më shumë për familjen e miqtë të cilët nuk do t’i privoja kurrë nga të shijuarit e gjërave që unë nuk i ha dot, ose që mua nuk më pëlqejnë. Shtatzënia për mua është një rrugëtim shumë i bukur por shumë personal, që kam zgjedhur ta mbaj privat edhe sa i takon ushqimit. Besoj që e nënë e di më mirë vetë se cila është më e mira për të dhe për fëmijen që do sjellë në jetë. Ju dua”, shkruan Arbana./revistawho.com
