Një ish mësues nga California,SHBA, i cili u dënua të mërkurën për përdhunimin e një të afërmes së tij vetëm 13 vjeç, iu kundërpërgjigj vendimit të gjykatës duke prerë fytin me brisk në mes të sallës, raporton People.
Jeffrey Scott Jones, 56 vjeç, përfundoi në spital me dëmtime jashtë rrezikut për jetën. Ai u dërgua në spital në pranga dhe me gjakderdhje.
Ai tashmë përballet me një dënim nga 68 vjet burg deri në burgim përjetë.
Jones pasi përdhunoi viktimën e tij në maj të vitit 2013 e kërcënoi atë duke i thënë se do të shkatërronte jetën e saj nëse do ti tregonte dikujt për ngjarjen.
