Arjan Çani ka ndarë mendimet e tij mbi inaugurimin e Donald Trump dhe pjesëmarrjen e personazheve VIP në këtë ngjarje, gjatë një interviste në emisionin DEKALOG me Roland Qafokun. Gazetari komentoi një foto të postuar nga Bleona Qereti, ku ajo shfaqet përkrah Richard Grenell, duke marrë pjesë në festën e inaugurimit. Çani pranoi gjithashtu se marrëdhënia e tij me Bleonën nuk ka qenë kurrë e mirë dhe se puthjet e përqafimet gjatë emisioneve të tij ishin thjesht një lojë për publikun.
Pjesë nga intervista:
Arjan Çani: Nuk e kam mike fare unë Bleona Qeretin.
Roland Qafoku: Ti e ke pasur në emision, e ke përqafuar, e ke puthur, çfarë s’ke bërë.
Arjan Çani: Ishte teatër, unë nuk e duroja dot fare. Pas një sherri të madh, ishte teatër për të gënjyer njerëzit.
Roland Qafoku: Bleona Qereti dhe Richard Grenell në ceremoninë e Presidentit të SHBA, Donald Trump.
Arjan Çani: Mos ia fut kot. Ajo njihet me këta. E zonja është si i bën miq këta, çfarë iu premton. Se kjo nuk është as gocë e re që të thuash se këta çuditen pas kësaj. Kjo po bëhet 50 vjeç.
Në një reagim të saj, Bleona Qereti iu përgjigj deklaratave të Çanit duke përdorur një gjuhë të ashpër dhe duke e akuzuar atë për gënjeshtra dhe përhapje të perceptimeve të rreme:
“O Arjan Çani, përveçse je një qenie mashtruese, ordinere që gënjen nëpër televizione dhe në emisionet e tua siç e ke pohuar vetë në të gjitha portalet, je një vemje pabukse që nuk të merr me asnjë televizion në punë. Jam e vetëdijshme se me këtë video po të bëj nder se do kapësh gazetat e portalet prapë, por në të njëjtën kohë kam arritur në konkluzionin që qenieve mashtruese, ordinere si puna jote duhet t’u ulesh në nivelin e tyre që t’u flasësh me gjuhën që kuptojnë.”
Bleona vijoi më tej duke përmendur angazhimet e saj personale në mbështetje të Donald Trump, përfshirë fushatat aktive dhe mbledhjen e donacioneve:
“Unë kam bërë fushata aktive për presidentin Trump në 2014-ën, në 2016-ën, në 2020-ën dhe tani në 2024-ën. Kam regjistruar mijëra vetë në listat e votimit, kam ngritur më shumë se 300 mijë dollarë donacione për zgjedhje, bëra dhe koncertin në Miçigan.”
Duke përfunduar, ajo kritikoi ashpër Çanin për qëndrimet e tij dhe për perceptimet që ai krijon në publik:
“Historia false, perceptimet false që krijoni ju nuk janë realiteti im. Ti je kthyer dhe je bërë një vemje pabukse, njeri negativ që nxjerr veç vrer dhe gënjen non-stop nëpër emisione. Përveç të gjitha këtyre të këqijave që janë boll për një njeri që të ikë dhe të mbytet, ke dhe një adoleshencë të vonuar dhe je një qenie e frustruar seksualisht që vazhdon dhe e mat botën me metrin tënd.”
