Michelle Obamën e njohim të gjithë si bashkëshorten e një prej presidentëve më të dashur të amerikanëve, por edhe si një femër me shumë influencë. Jemi mësuar ta shohim teksa shoqëronte bashkëshortin e saj gjatë gjithë fushatës së tij të parë presidenciale në vitin 2008. Ne atë kohë ajo shfaqej serioze dhe mbështetëse krah Barack Obama-s. Edhe pse nuk është më në statusin e zonjës së parë, Michelle vazhdon të jetë në qendër të vëmendjes, sidomos pasi botoi biografinë e saj të parë me titull ‘Becoming’, një rrëfim i sinqertë që u mirëprit nga të gjithë. Duke qenë se daljet e saj publike janë shtuar shumë së fundmi, një nga detajet që ka tërhequr vëmendje është stili i të veshurit që ka ndryshuar shumë në krahasim me vitet e shkuara. Së fundmi ajo u shfaq e veshur me ‘Balenciaga’, teksa takonte Sarah Jessica Parker gjatë turit të promovimit të librit të saj.
Komentet për kombinimin e saj kanë qenë mjaft pozitive, madje duket se ky ndryshim po pritet shumë mirë nga adhuruesit e saj. /revistawho.com
