Pas deklaratës së fundit të Gjestit, ku ai tregoi se po përballet me padrejtësi nga një ish-distributor i muzikës së tij dhe se për një kohë të pacaktuar do të qëndrojë larg skenës – pavarësisht se projektet e tij të reja janë gati – në mbështetje i është bashkuar edhe Ylli Limani.
Këngëtari publikoi një postim në Instagram ku shkruan thjesht, por qartë: “#meGjestin. Çdo artist meriton të krijojë i lirë dhe të jetë zot i veprës së vet” duke treguar hapur solidaritetin e tij. Gesti e ka ripostuar menjëherë këtë shenjë mbështetjeje në profilin e tij.
Ky reagim ka marrë vëmendje të madhe në rrjet, ku fansat e të dy artistëve po komentojnë se muzika shqiptare duhet të qëndrojë e bashkuar përballë padrejtësive.
