Pas ndarjes nga bashkëshorti, Emily Ratajkowski nisi një lidhje me komedianin Pete Davidson, por supermodelja u shpreh se nuk po merr asgjë seriozisht, sidomos pas lëndimit që pësoi nga tradhtia e Sebastianit. Por gjërat nuk po shkojnë siç ajo kishte menduar. Marrëdhënia e saj dhe Pete po bëhet serioze. Thashethemet filluan të vërtiten rreth një muaj më parë për çiftin dhe duket se ata me siguri tani po shkojnë drejt një lidhjeje të vërtetë.
“Ata po bëhen pak më seriozë”, tha një burim pranë tyre për “People”, duke shtuar se dyshja “po e shijojnë vërtet kohën së bashku”.
29-vjeçari Davidson “e bën vërtet të qeshë dhe i mban gjërat argëtuese”, vazhdoi burimi. Një tjetër burim i afërt me çiftin ka treguar se modelja e famshme 31-vjeçare e sheh romancën e tyre “argëtuese pa asnjë stres”.
“Pete e nxjerr atë për darkë dhe në evente. Ata gjithashtu rrinë shumë dhe në shtëpi,” tha burimi i brendshëm, duke shtuar se komediani “është shumë i qetë dhe i kuptueshëm me faktin që ajo është nënë”.
