Pak kohë më parë u zbulua lista e pjesëmarrësve në “Festivalin e 58-të të Këngës” në RTSH, por duket se disa artistë nuk janë pranuar për të konkuruar. Një prej tyre ka qenë dhe këngëtari i njohur, Erik Lloshi. “Newsbomb.al” bëri me dije se kënga e tij është refuzuar të bëhet pjesë e listës së këngëve të tjera pjesëmarrëse. I ftuar së fundmi në emisionin “Semafor” në RTSH, Eriku u shpreh se ky është një vendim i padrejtë. Ai tregoi se muzika dhe teksti ishin shkruar nga vetë këngëtari, dhe nuk kishte një arsye të qartë se pse nuk ishte pranuar. “Isha me tekst dhe muzikë të shkruajtur nga vetë unë. Me informacionin që kam, ka kompozitorë të huaj, gjë që nuk është e lejueshme dhe më vjen shumë keq për këtë pjesë. Ka kompozitorë që nuk kanë kombësi shqiptare. Unë do vazhdoj ta them që është e padrejtë”, u shpreh Eriku. Kujtojmë se festivali ka patur disa probleme dhe kritika ende pa nisur trasmetimi, e pritet të shohim se çfarë do ndodhë në vazhdim.
